Home » Жаңалықтар » Өскеменде Алланың Елшісін әспеттеген айтыс өтті

Өскеменде Алланың Елшісін әспеттеген айтыс өтті

Пайғамбарымыздың туылған күні «Мәуліт» мерекесіне орай Өскемен орталық мешітінің ұйымдастыруымен рухани айтыс өтті. Оған  Балғынбек Имашев, Сара Тоқтамысқызы, Айтақын Бұлғақов,  Айнұр Тұрсынбаева, Арман Бердалин,  Айтпай Жұмағұлов,  Мұхтар Ниязов сынды  дүлдүл ақындар сөз тоғыстырды. Айтыс – қазақ жанының ғанибеті. Мерейлі шараны облыс басшылығы құшақ жая қарсы алып, ақсақалдар алқасы мен Өскемен қаласының барлық мекемелері бұл шараға асығып жетті.

Құдіретті Алла Тағала мен Оның Елшісіне арнаған жүректеріндегі жапырақ жырларын желбіреткен ақ маңдайлы бекзат ақындардың дерлігі Жаратқанның бес парызын орындаушылардан болды. Алдымен, қасиетті жұмада орталық мешітте Хаққа сәжде етіп, қолын жайды. Үлкені мен кішісі бір – біріне қарайласқан Шығыс елінің рухы мықты мұсылмандарымен бір сапта тұрып, парызын өткерді. Одан кейін лек – легімен ағылған қалың жұртпен бірге «Нағыз қазақ – домбыра» демекші, сері ақындарымыз Өскемен орталығындағы «Үлбі» мәдениет сарайына тартты.

Бірінші болып қарағандылық Тілеген Әділов пен керекулік Қуаныш Шармановтар «Бісмілләмен» айтыстың пердесін ашты. Өр Алтай елін мақтады, Өскеменді өрлетіп, жиналған халықты біраз баптады. Ең бастысы,

Қияметте көрерсің шапағатын,

Расулалла ғұмырын үлгі еткенің.

Аллаға барар жолға адаспаймыз,

Азу тіспен ұстаса сүннет жолын – деп, елді Пайғамбарымыздың (с.ғ.с.) сүннетіне шақырды.

Ау, мұсылманның киесі Құран екен,

Құранның іші толған бұлақ екен.

Аяттары болған соң Хақтың сөзі,

Ойың жоқ, сенбейтұғын сірә бөтен – деп, өлеңдетті.

Талдықорғандық Айтақын Бұлғақов:

Ау, Алланың тоқтамаса уыт күші,

Күнәні де жасайды – ау күліп кісі.

Имансыздар исламға, игі дінге,

Келеді бүлік салып құртқысы.

Баласы жайнамазға сәжде қылса,

Ата – ананың болады суық түсі.

Себебі, діннің атын жамылып ап,

Дінсіздердің болып жатыр іріткісі.

Мың адамға кесірін тигізеді,

Бір адамның жасаған бүлік ісі.

Жердегі құмалағына бір түйенің,

Абайсызда тайып құлар қырық кісі.

Ұзын сақал, кең көйлек, қысқа балақ,

Исламның көркін бірақ қашырып тұр - деп, бұрқ еткіздірген сөздеріне жұрттың қошеметінде шек болмады. Кезегінде ақын қызымыз  Айнұр Тұрсынбаева:

Бір Алланың сүйікті

Құлы болған Мұхаммед!

Желбіреген дінімнің,

Туы болған Мұхаммед!

Ақиқаттың қанатты

Пырағы болған Мұхаммед!

Исламның жап – жарық,

Шырағы болған Мұхаммед!

Жетім – жесірдің қашанда,

Панасы болған Мұхаммед!

Пайғамбарлардың ішінде,

Дарасы болған Мұхаммед!

Ақиқат сөзбен халықтың,

Жүрегі болған Мұхаммед!

Мұсылмандардың Махшарда,

Тірегі болған Мұхаммед! – деп, (с.ғ.с.) Пайғамбарымызға әдемі салауат айтып, айтысты аяқтады.

Ағузу деп, бастасам арабшалап,

Көпшілік кеп бір түрлі қарап қалад,

Тойында саллаллаху уәссаламның,

Бастайын фатиханы қазақшалап,

Сақтанып сайтан деген салдақыдан,

Бастадым Рахман Рахим Алла атынан.

Әдепті Раббысына ғана лайық,

Жолдайын жыр мадақтардың шәрбатынан.

Аса қамқор, ерекше, мейірімді,

Қияметтің патшасы бар ма күмән.

Тек қана жалғыз Саған құлшылық қып,

Тек Сенен жәрдем сұрап таңды атырам! – деп, жырлаған астаналық төкпе ақын Балғынбек Имашев қасиетті Құранның фатиха сүресінен бастады.

Өскемен орталық мешіт баспасөз қызметі 

9 пікір

  1. Алтай баласы

    Шығыстықтар адам болайын деген екен.

  2. Ei дүлей қазақ туралы былай айтуға қалай дәтің барады?

  3. Айтақын исламның көркін кетіріп тұрған ұзын сақал,қысқа балақ,кең көйлек дейді.Сол нәрсемен өзінің шатасқанын білерме екен,исламға қарсы сөйлеп отырғанын.Ал тарихтан қарасақ ата бабалармыз,әжелерміз кең киінген,сақалдары болған жәнеде балақтарын сүйреп жүрген жоқ ғо. Қазақи намыс болатын болса Бұлғақтан ОВ ты алатын уақыты баяғыда болған.Негізі пайғамбарымыздың туған күнін Мекке Мәдинада тойлап тойламайтынын қайдан білуге болады. Өлер кезінде айтып кеткен менің туған күнімді тойламаңдар,христандарға ұқсап депті.

  4. оу казактар, унамаса аитысты тындамандар, сендерге тоиландар деп аиту керек пе еди, оздерин кунделикти туган кунди атап отип жатырсындар го сылкитыыыыып, немене Мухаммед пайгамбарымыздан артыкпыз ба, бул аитыс, жаксыны коре алмаган казак, кормеи отесиндер ау осы туби

  5. Akitatti jasiradi moldanda… Akikatti jasirgandar ongan ba?

  6. е, азамат, сен биринши молда болып ал, онын жаттаган сурелерин жаттап ал, онын окыган куранын кунде окып ал, сосын барып акикат пен шындыкты шатастырма, акикат тек Аллада, сенин онганынды далелдеп алсай

  7. Әбді Ғалым Оспан

    Сахаба Хасан Ибн Сабит розиаллаһу анһу пайғамбарымыз саляллаһу алейхи уассалямның өмірін жырлаған ақың бірі.
    Әбу Һурайраның риуаяты бойынша, бірде хазіретті Омар (Аллаһ оған разы болсын), мешітте өлең оқып тұрған Хасан Ибн Сабитке ала көзімен қарады. Бірақ ол (Хасан Ибн Сабит) оған жауап беріп: “Мен мұны сененде жақсының алдында оқығанмын!” – деді, артынша Әбу Һурайраға бұрылып: “Мен сені Аллаһ таъалаға тапсырдым! Сен Аллаһ елшісі саляллаһу алейхи уассалямның: “Мен үшін (мені көре алмайтындарға) жауап қайтар! Аллаһ оны киелі рухыңмен қолда” (Аллаһумма аййидху бирухиль-қудус.) – дегенін естідің бе? – дегенде. Әбу Һурайра: “Ия” – деп жауап берді. (Сахих Муслим 2485)

  8. ӘБДІ ҒАЛЫМ ОСПАН

    Акындарга деген курметтин жогарылыгы сондай Алла елшиси саляллаху алейхи уассалям мешиттин ишинен Хассан ибн Сабитке арнап минбер тургызган. Хасан ибн Сабит минбарга шыгып Алла елшисине салауат айтып, оган карсы болгандардын бетин откир олендеримен кайтаратын. Алла елшиси саляллаху алейхи уассалям (Хассан ибн Сабит туралы): ‘Мени коргауга шыкканда Алла Хасан ибн Сабитти киели рухпен (Жабрейл периштемен) колдайды.’ – деген. (Айша анамыздан имам ат – Тирмизи риуаят еткен).

  9. Әбді Ғалым Оспан

    Ибн Кәсир рахматуллаһтың мәуліт жайлы айтқаны
    قلت أما صاحب إربل فهو:
    الملك المظفر أبو سعيد كوكبري ابن زين الدين علي بن تبكتكين أحد الاجواد والسادات الكبراء والملوك الامجاد، له آثار حسنة وقد عمر الجامع المظفري بسفح قاسيون،
    «Ирбильдің әміршісіне тоқталсақ ол әл – Музаффар Әбу Саъид ибн Зәйнуддин Әли бин Тәбәктакин ұлы билеушілер мен дақты басшылардың ішінде жаны жомарт болған жандардың бірі. Беделі жақсылардан болған. Қасиюн тауының баурайына әл Музаффар атандағы мешіт соққан.
    Ибн Касир рахматуллаһ сөзін әрі жалғап:
    وكان يعمل المولد الشريف في ربيع الاول ويحتفل به احتفالا هائلا، وكان مع ذلك شهما شجاعا فاتكا بطلا عاقلا عالما عادلا رحمه الله وأكرم مثواه.
    «…Ол жыл сайын орасан көп адамдар жиып, раби әл Әууаль айында мәуліт өткізетін. Өзі ғалым, әділ өте күшті, батыл әрі зерек әмірші болған. Оған Алланың рахымы түсіп, жатқан жері жайлы, топырағы торқа болсын.
    وقد صنف الشيخ أبو الخطاب ابن دحية له مجلدا في المولد النبوي سماه: “التنوير في مولد البشير النذير” ، فأجازه على ذلك بألف دينار
    … Әбу әл-Хатаб ибн Дихят оған мәуліт жайлы: «Ат-Тануир фи маулиди әл-башири ән-назир» атты кітап жинастырып бергенде ол осының құрметіне оған 1000 алтын динар сыйға тартқан.

    Имам әз-Зәһәби (673-748 һ/1274-1348 м) «Сияр әълям ән-нубаля» кітабында Музаффар туралы былай деген:

    السلطان الدين الملك المعظم مظفر الدين أبو سعيد كوكبري بن علي بن بكتكين بن محمد التركماني صاحب إربل وابن صاحبها وممصرها الملك زين الدين علي كوجك… وكان محبا للصدقة ، له كل يوم قناطير خبز يفرقها ، ويكسو في العام خلقا ويعطيهم دينارا ودينارين ، وبنى أربع خوانك للزمنى والأضراء ، وكان يأتيهم كل اثنين وخميس ويسأل كل واحد عن حاله ويتفقده ويباسطه ويمزح معه . وبنى دارا للنساء ، ودارا للأيتام ، ودارا للقطاء ، ورتب بها المراضع . وكان يدور على مرضى البيمارستان . وله دار مضيف ينزلها كل وارد ، ويعطى كل ما ينبغي له . وبنى مدرسة للشافعية والحنفية وكان يمد بها السماط ، ويحضر السماع كثيرا ، لم يكن له لذة في شيء غيره . وكان يمنع من دخول منكر بلده ، وبنى للصوفية رباطين ، وكان ينزل إليهم لأجل السماعات . وكان في السنة يفتك أسرى بجملة ويخرج سبيلا للحج ، ويبعث للمجاورين بخمسة آلاف دينار ، وأجرى الماء إلى عرفات. وأما احتفاله بالمولد فيقصر التعبير عنه ; كان الخلق يقصدونه من العراق والجزيرة وتنصب قباب خشب له ولأمرائه وتزين ، وفيها جوق المغاني واللعب ، وينزل كل يوم العصر فيقف على كل قبة ويتفرج ، ويعمل ذلك أياما ، ويخرج من البقر والإبل والغنم شيئا كثيرا فتنحر وتطبخ الألوان ، ويعمل عدة خلع للصوفية ، ويتكلم الوعاظ في الميدان ، فينفق أموالا جزيلة . وقد جمع له ابن دحية ” كتاب المولد ” فأعطاه ألف دينار . وكان متواضعا ، خيرا ، سنيا ، يحب الفقهاء والمحدثين ، وربما أعطى الشعراء ، وما نقل أنه انهزم في حرب ، وقد ذكر هذا وأمثاله ابن خلكان واعتذر من التقصير . مولده في المحرم سنة تسع وأربعين وخمسمائة بإربل

    Дініміздің сұлтаны, дақты патша Музаффар Әбу Саъид Көкбөри ибн Әли ибн Бактакин ибн Мухаммад ат – Таркмани Ирбиль (қаласының) әмірі. Әмір Зәйнуддин Әли Кәуджактың ұлы… Ол садақа таратуды жақсы көрген. Күнделікті халыққа нан таратып, жыл сайын киімсіздерді киіндіріп, оларға (жағдайына байланысты) бір – екі алтын динардан таратқан. Науқастар мен көзі көрмейтін зағиптарға арнап төрт шипажай салып, әр дүйсенбі және бейсенбі күндері науқастардың жағдайын сұрап, барлығының денсаулығын қадағалап отыратын. (Науқастар мен зағиптардың) Көңілдерін көтеріп, әзілдесетін. Жетімдер, жесірлер, әрі тауып алынғандар үйін соғып, оларға арнайы аспаз тағайындаған. Ақыл – есі ауысқандарғада арнайы орталық салып ол жергеде барып тұратын. Оның қонақ үйі келген адамның бәріне ашық, әрі меймандардың барлық қалауын қанағаттандыратын. Шафииттерге әрі Ханафиттерге арнап медресе салған. Оларға дастархан жайып, арасында дағуат тыңдауға келетін. Ол үшін бұдан асқан ләззат жоқ еді.
    Музаффар өз жеріне (шариғатқа) қайшы дүиенің кіріп кетпеуін жіте қадағалайтын. (Әһлі) Сопыларға екі ғибадат орнын соғып, онда уағыз тыңдауға баратын. Жыл сайын (Еврейлердің құлдығында не тұтқында болған мұсылмандарды) босатып, олардың қажылыққа баруына жол ашатын. Әл-Харам (Мекке мен Мәдина) тұрғындарына бес мың алтын динар таратып, Арафат тауына су тартқан.
    Оның өткізген мәулітіне келсек оның (кереметтілігі мен ауқымдылығының мөлшерін) сөзбен айтып жеткізу қиын. Ирак пен Араб жәзирасының тұрғындары осы мәулітке келуге асығатын. Мәулітке арнайы боялған ағаштан шатырлар тұрғызылған. Бұл шатырдың астында мәуліт оқушылар шоғырланған. Адамдар күнде түстен кейін осы шатыр маңайына жиналып, қуанышқа бөленген. Бұл іс шара (Пайғамбарымыз саляллаһу алейхи уәссалямның сирасын оқу) бірнеше күнге созылған. Қаншама сиыр мен түйе сойылып түрлі тағамдар әзірленген… Уағыздар айтылып, өте көп мөлшерде садақа таратылған. Музаффардың сұрауы бойынша Ибн Дихья мәуліт жайлы кітап жазғанда ол (Музаффар) оған 1000 алтын динар сыйлады.
    Музаффар өте қарапайым, берекелі іске құмар, сүннит, фақиһтар мен мухаддистерді тіпті (дін жолындағы) ақындарды да жақсы көрген. Оның соғыста жеңіліс тапқандығы жайлы бірде бір дерек жоқ. Ибн Халикан бұл мәселеге (Музаффардың соғыста жеңілмегені жайында) кеңінен тоқталған, алайда (Ибн Халикан Музаффар) жайлы әңгімемнің қысқа болғаны үшін кешірім сұраймын» деп жазған. Музаффар һиджра жыл санағының 549 жылы, Мухаррам айында Ирбиль қаласында дүниеге келген.

    [«Сияр әълям ән-нубаля», 22 т, 335-336 бет]
    Осы хабарға қарасақ мәуліттің 800 жылдық тарихы бар. Уа Аллаһу аъләм!
    Хафиз Жәләлуддин ас – Суюты рахматуллаһ (849-911 һ/ 1445-1505 м) “Хусн әл – Мақсид” кітабында:
    وأوَّلُ من أحدث فعل ذلك- الاحتفال بالمولد النبوي- صاحب إربل الملك المظفر أبو سعيد كوكبرى بن زين الدين علي بن بكتكين، أحد الملوك الأمجاد
    Пайғамбарымыз саляллаһу алейхи уәссалямның мәулітін атап өтуді, ең бірінші болып қолға алған Ирбилдің әмірі әл – Малик әл – Музаффар ибн Саъид Кукбури ибн Зәйнуддин Әли ибн Бактакин еді. Ол дақты патшалардың бірі”.
    Әлемдердің Раббысы Аллаға сансыз мадақ, пайғамбарымыз саляллаһу алейхи уәссалямға сансыз салауаттар болсын!

Сіз не дейсіз оқырман?

Е-мэйлыңыз жарияланбайды.


4 + = 10

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>